بغداد لايف بغداد لايف | Baghdad Life
ﺍﺣﺪﻯ ﺍﺩﻭﺍﺕ ﺍﻟﻌﻮﻟﻤﺔ ﺍﻟﻲ ﺩﺧﻠﺖ ﻋﻠﻴﻨﺎ ﻭ ﺣﻴﻴﻞ ﺍﺗﺄﺛﺮﻧﺎ ﺑﻴﻬﺎ ﻭ ﻫﻲ (ﺍﻟﺸﻮﻛﺔ ﻭ ﺍﻟﺴﻜﻴﻨﺔ ﻭ ﺍﺳﺘﺨﺪﺍﻣﻬﺎ ﺑﺎﻷﻛﻞ)… ﺑﺤﻴﺚ ﺍﻟﻲ ﺍﺧﺘﺮﻉ ﺍﻟﺒﻴﺘﺰﺍ ﺍﺗﻨﺪﻡ ﻻﻥ ﺍﺧﺘﺮﻋﻬﺎ ﻣﻦ ﻭﺭﺍﻧﻪ…
ﻗﺒﻞ ﺍﻻﻑ ﺍﻟﺴﻨﻴﻦ ﻣﻦ ﺍﺧﺘﺮﻋﻮﺍ ﺍﻟﺒﻴﺘﺰﺍ ﻭ ﻟﺤﺪ ﻫﺬﺍ ﺍﻟﻮﻛﺖ ﺍﻟﻲ ﺍﺗﺨﺼﺼﺖ ﻭﻛﺎﻻﺕ ﻋﺎﻟﻤﻴﺔ ﺑﺎﻟﺒﻴﺘﺰﺍ ﺍﻛﻮ ﻃﺮﻳﻘﺔ ﻭﺣﺪﺓ ﻷﻛﻞ ﺍﻟﺒﻴﺘﺰﺍ ﻭ ﻫﻲ ﺑﺎﻹﻳﺎﺩﻱ ﺑﺪﻭﻥ ﺍﻱ “ﺍﺩﺍﺓ ﺃﻛﻞ” ﻭ ﺣﺘﻰ ﻣﻦ ﺗﻄﻠﻊ ﺩﻋﺎﻳﺎﺕ ﺍﻟﺒﻴﺘﺰﺍ ﺑﺎﻟﺘﻠﻔﺰﻳﻮﻥ ﺍﻧﺸﻮﻑ ﺍﻟﻨﺎﺱ ﺗﺎﻛﻠﻬﺎ ﺑﺎﻟﻴﺪ ﻭ ﺣﺘﻰ ﺍﻏﻨﻴﺎﺀ ﺍﻟﻌﺎﻟﻢ ﻭ ﺍﻟﻤﺜﻘﻔﻴﻦ ﻳﺎﻛﻠﻮﻫﺎ ﺑﺎﻟﻴﺪ!! ﺑﺲ ﻋﺪﻧﺎ ﺑﺎﻟﻌﺮﺍﻕ ﺍﻟﻨﺎﺱ ﻣﻦ ﺍﺗﺮﻭﺡ ﻟﻠﻤﻄﻌﻢ ﻭ ﻳﻄﻠﺒﻮﻥ ﺑﻴﺘﺰﺍ، ﻭ ﺍﻟﻜﺎﺑﺘﻦ ﻣﻦ ﻳﺠﻴﺐ ﺍﻟﺒﻴﺘﺰﺍ ﻳﺨﻠﻲ ﻭﻳﺎﻫﺎ “ﺷﻮﻛﺔ ﻭﺳﻜﻴﻨﺔ” ﻓﺎﻟﻨﺎﺱ ﺗﺴﺘﺨﺪﻡ ﺍﻟﺴﻜﻴﻨﺔ ﺣﺘﻰ ﺗﻘﻄﻊ ﺍﻟﺒﻴﺘﺰﺍ ﻟﻤﺮﺑﻌﺎﺕ ﺻﻐﻴﺮ ﺛﻢ ﻳﺴﺘﺨﺪﻣﻮﻥ ﺍﻟﺸﻮﻛﺔ ﺣﺘﻰ ﻳﺎﻛﻠﻮﻥ ﺍﻟﺒﻴﺘﺰﺍ!!! ﻭ ﻃﺒﻌﺎ ﻣﺮﺓ ﺩﺍﻛﻞ ﺑﺎﻟﻤﻄﻌﻢ ﺑﻴﺘﺰﺍ ﺑﺎﻟﻴﺪ ﺟﺎﻥ ﻭﺣﺪﺓ ﺍﺗﺸﻮﻓﻨﻲ ﻭ ﺍﺩﻛﻮﻝ “ﺍﻭﻭﻭﻱ ﻫﺎﻱ ﺷﻨﻮ ﻫﺬﺍﻙ ﻳﺎﻛﻞ ﺑﺎﻹﻳﺪ” ﺩﺷﻮﻓﻮﺍ ﺛﻘﺎﻓﺔ ﺍﻻﻛﻞ ﺍﻟﻰ ﻭﻳﻦ ﻭﺍﺻﻠﺔ ﺍﻳﺒﺎﺍﺥ ﻋﻠﻰ ﺍﺍﺍﻳﺎﻡ ﻗﺒﻞ ﺍﻟﺨﺎﺷﻮﻛﺔ “ﺍﻟﻤﻠﻌﻘﺔ” ﺟﻨﺎ ﻧﺎﻛﻞ ﺑﻴﻬﺎ ﻛﻠﺸﻲ ﺣﺘﻰ ﺍﻟﻜﻴﻚ ﻭ ﺍﻟﺴﺒﺎﻛﺘﻲ، ﻃﺒﻌﺎ ﻓﺎﻫﻤﻴﻦ ﺍﺳﺘﺨﺪﺍﻡ ﺍﻟﺸﻮﻛﺔ ﻭ ﺍﻟﺴﻜﻴﻨﺔ ﻏﻠﻂ ﺑﺎﻟﺒﻴﺘﺰﺍ ﺗﺮﻯ ﺧﺎﻟﻴﻬﻦ ﻋﻠﻤﻮﺩ ﺗﻔﺼﻠﻮﻥ ﺍﻟﻘﻄﻊ ﺍﻟﻤﺜﻠﺜﺎﺕ ﻭﺣﺪﺓ ﻣﻦ ﺍﻟﺦ ﺑﺲ ﻣﻮ ﺗﺎﻛﻠﻮﻭﻥ ﺑﻴﻬﺎ!!! ﺷﻔﺘﻮﺍ ﺍﻟﻌﻮﻟﻤﺔ ﺷﻤﺴﻮﻳﻪ ﺑﻴﻨﺎﺍﺍﺍﺍ
بقلم علي الجزائري
التعليقات
Powered by Facebook Comments
